TSILANINDIMILAHY: novembre 2009

NY TODY TSY MISY...

Mananjara izay mahalefitra

Manaova toy ny hazo ao Ambohimiangara;

Ny voany, voa mahareta;

Ny raviny, ravi-mahalefitra.

Ka mba mahareta ny ratsy ataon'olona,

Ary mahandrasa ny soa mbola ho avy.

Mivadiha mandry raha torovana,

Mitsangàna raha voly,

Mialofa raha haraka,

Ary mitapia andro raha ankona,

Fa ny tsihy no fola-mandefitra.

Ny manao soa tsy mahafaty antoka, fa ny manao ratsy enjehin'ny ataony. Fa ny mpanao ratsy toa ny zanakazo jinjana hariva; raha tsy malazon'ny andro aza, matisasaky ny alina.

Ny parasy no mivelona amin'ny vahiny.

Tahaka ny levenana ovy, ka raha midona ny orana dia mitranga.